প্ৰেমৰ সন্ধানত

ব্যস্ত মহানগৰীৰ ফুটপাথে ফুটপাথে
ৰঙা গোলাপৰ পাহে পাহে
গোটেই দিন আজি বিচাৰি ফুৰিলো
মোৰ ভেলেণ্টাইন ক’ত?

দীঘলীপুখুৰীৰ পাৰে পাৰে
ফুচকাৰ দোকানৰ আগে আগে
ছোৱালী হোষ্টেলৰ খিৰিকিয়ে খিৰিকিয়ে
বিচাৰি বিচাৰি চলাথ কৰিলো
মোৰ প্ৰেম কতো বিচাৰি নাপালো।

অকণমানি এজনে চিটিবাছত
আসন এৰি দি মোক কলে- দাদা বহক
মৰমেৰে ধন্যবাদ এটি দি মনতে ভাৱিলো
মোৰ অনুসন্ধান ইয়াতে সামৰোঁ
ভালপোৱা কি, এই কণমানিজনতে পালোঁ। 

....ණ যজ্ঞেশ্বৰ নাথ